بسم الله الرحمن الرحيم
حامد زيد
08/06/2007 يامساعد بيض الله وجه صدمات الليالي
علمني كيف اعرف اللي معي واللي عليه
لعنبو جد الطعون ان جات من غالي لغالي
ولعنبو جد الخوي اللي يجنب عن خويه
مساعد
كل شي صار في دنياك درس ولاتبالي
ضربة ما تقسمك نصين تدفع عنك سيه
ماجرى لك من صدوف الوقت يا حامد جرالي
لكن اساير ظروف الوقت وعزومي قوية
حامد
ابتسم واضحك واجامل والا انا ما نيب خالي
يا مساعد ليت ربعي يعرفون اش صار فيه
ان ضحكت اضحك وان بكيت ابكي لحالي
والرجل لو ما فزع لك طيب يفزع لك حميه
مساعد
لاتبينها ترى راس النبا يكشف مفالي
كان ما تفرح بعيد الفطر تفرح بالضحية
السما والارض وثمار الشجر يابن الحلالي
علمن نيوتن اللي مات سر الجاذبية
حامد
كيف اجنب عن حقوقي والعطا من راس مالي
العطية بالعطية.. والخطية بالخطية...
يعلم الله لا اجتمع عنتر وابو زيد الهلالي
ما أعذلوا قيس الملوح عن غرام العامرية
مساعد
قبل كسب الحق الاقصى، قوم للحق الموالي
وانشد القاضي عن آخر محكمة للعنصرية
وش بقى للسيف والبندق وحماي التوالي
في زمان العولمة واهل العلوم الشقلبيه
حامد
ماتعرف ان الحقوق حقوقنا بأول وتالي
الحقوق التالية والا الحقوق الاولية
كل ما دارت عليك الدايرة خلك شمالي
ما يضيق خاطرك صوت الفشق والبندقية
مساعد
البروق تلوح في عرض السما والسيل سالي
ما تموت من الظما لو عرضوك المهمهية
نصبوك اهل العقول الحاملة في الشرق والي
ما عليك خلاف مهما صار والذمة بريه
حامد
لاتبري ذمتك يا مضرب الرجل المثالي
من يعيش بلا هدف بيعيش مجهولة الهوية
والله اني معطي المحتاج من لقمة عيالي
مير ملعون الجدف ما بينت فيه العطيه
مساعد
الزمان اللي صفالك وانت غافل ما صفالي
خلها تمشي على درب السنع واقبل هدية
انت ما خليت فيها لا جنيه ولا ريالي
صار لك مدة تقارن بين داب وبين حية
الأربعاء يونيو 24, 2009 4:18 pm
