الشاعر نواف بن ناصر

قصيدة انثى المطر ..!

لو نامت اوراقي تحت ظل الشجر
الغيمه اللي فالسماء ما بلّته
نزف الألم يسأل ويرسم لك صور
بروازها وحروفها ما حلّته
لو ما الأماني عايشه وسط الصدر
يمدي فؤادي من ضلوعي تلّته
انثى المطر جتني كذا مثل المطر
مثل المطر في هيبته من طلّته
بعد الجفا لقياك مهدي منتظر
والمنتظر قد ذاق قهوة دلّته
اتبع دروبك واسهرك لين السهر
يسهر على جفني ويرقب زلّته
والفرحه اللي ترقبك..! فرحة عمر
والدمع في عيني ولا قد هلّته
واسئل عيونك ليه بعيونك حوَر.؟
واسئل عيوني ليه [ما قد ملّته
يا صاحبي لو قلت لك قلبك حجر
يمكن على قلبي [تزود غلّته]
الى متى وانا على غض البصر .!
يمكن بنظراتي [تداوي علّته]
تدري وش اللي شفت في نصف الشهر .؟
شفتك وشفت [اللي يشابه طلّته
صبرت لكن كيف .؟ وشلون الصبر..!
يرمي طموحي كلها في سلّته

» الشاعر نواف بن ناصر
» الشاعر رجا نازل
» الشاعر رجا نازل
» الشاعر خالد بن منشار
» الشاعر وائل البلوي