((((( قصة شاب )))))
فكر وتاملت فديوم اصيرن زين ونزوجك ياخايب اهلي كلولي
ماعدنة صدق بس معتمد على الدين من هذا على ذاك وربعي لمولي
من بيت الي لمنة اشكثر بعنة اغراض وتلزك حياتي وغرفة جابولي
هو احنة قبل ماعدنة كل فراش جاهسة شصفت من كلشي باعولي
بيت وجنة جامع بس اتراب وفراش واهلي جكد خطية هواي سكتولي
خطبت ونيشنت وانة شكثر فرحان واهل البيت نص الكلفة سدولي
اتقرب زواجي وكلت بعد اسبوع وجدي وجدتي فد يوم ماتولي
العتب كلة اعلى حظي تاجلت سنتين من صارت صدك لان همة عرضولي
تانيت وصبرت وتاملت ايام وهلي بكل حزن شهر يدعولي
ماظل بعد مؤمن مادعالي بخير وعلى امري المشايخ عام صلولي
تسهلي القضية وتنتهي بتعجيل من كد مافقير الخير رادولي
يارب الجلالة يامحمد المختار وكول اتزوجت والناس فرحولي
خلص اول اسبوع ابراحة واكل ونوم وانواع الهدايا الناس جابولي
وبس انة غرفتي وانة شي عريس انقهرو علية وبنكة خلولي
اهل البيت كلة بورق ويهفون وطلعت من العرس بس هاي محصولي
ياستار ربي وصل ثاني سبوع واهلي بلا خجل بالباب وكفولي
ياللا على الشغل بس كافي عوف النوم همة هم خطية هواي صبرولي
شطلع للشغل ربي شكل للناس رحت انخة ربعي شغلة يلكولي
وردو بعد عادو على الفكر يحجون ولمولي بقهر مشروع سوولي
طلعت توكلت ياربي تسهل كون اهلي وربعي ياربي هواي تعبولي
تعبت انوب افكر عندي خلفة تصير وبني بلا قلق جن صاير بطولي
لان يوم اشتغل لان يوم شو تعبان ولنهم للشغل والخير جابولي
عندك ولد صار والف مبروك واليمي درو على الخير هنولي
ركضت من الفرح شالتني كوة الكاع وتيهت الطريق وهمة صاحولي
وشفت الولد بستة وفرحت هواي وشسمي الولد واسماء عدولي
سميتة (خلف) خفت الحسد يلفية ورفضت الاسامي البهجة سمولي
مادام الفرح بعد (6) ايام ولان اتمرض ابني شلون لحكولي
وتمرض ابني مرض بس موطبيعي شلون وعانيت الحزن والناس عانولي
وجو ربعي الي جابولي اسم دكتور بعنوانة تهت بس همة وصفولي
واخذت ابني وزوجتي ورحت للدكتور والدكتور صاح فلان دخلولي
دخلت وفحص ابني وكلي يامسكين ابنك للاسف موصاحي منغولي
الثلاثاء ديسمبر 21, 2010 12:02 am
