قصيدة ظنون الشك

أنا ما اظن بعتابك تداويني وانا ارضى بك
واذاجرحك بدا ساطي ولا تقدرتداويني
ترى المعنى بتر جرحي وعرّا القول بكتابك
ولا في نيتي أطعن حبيبٍ كان شاريني
أبد ما كنت ابرخص بك ولا ابي الهم يسرا بك
دموع الصد تقتلني وتحرق دمعتي بعيني
ولا تخلي ظنون الشك تسكنّي وتحضى بك
ولا فكرت بخداعك وشخصك حيل يعنيني
أبد يا حبي الأول ولا فكرت انا اخلا بك
ولا لي غيرك بقلبي يفرحني ويشقيني
نقشتك حبي بلوحه بها الالوان تزهى بك
قصيده حرفها يشهد معاني تخطها يديني
حرام الظلم في شرعك تصك بوجهي ابوابك
أبي أسمع صدى صوتك وبحر الشعر غنيني
ويبقى راسك العالي شموخٍ فوق يِعلى بك
ولا فكرت أوطي بك عزومٍ فيك تبنيني
أبادر بالعذر منك تراك اخطيت بعتابك
ولك بس انحني حرفي وفيك أحلى دواويني
عسى لوتمسح احزانك ,عسى قلبي يتهنى بك
عسى تبرد بك جروحٍ أداويها وتشفيني