قصيدة شكواي

تجرح خفوقي وترجع تقول مقصد؟؟
مليتها اعذارك ومليت شكواي

كانك على فرقاي سويت موعد
أبشرك حان الموادع وفرقاي

ماتستحق انك مع الشوق تقعد
دامك تمن وماتعجبك سواياي

رد الوفا للطيب,,والصد للصد
وحفلة وداعي خلها ناي في ناي

ارخصتني وارخصت حبي مع الود
وارضيت غيري وصرت طاغي ونساي

لاتعتذر لاصار عذرك هو البعد
رح في سلام وخلني اطوي بكاي

لاصار اغلى الناس فيماحضر ند!
سلم على ذاك الغلا وإلعن الجاي

جرح المفارق جرح لو مقصده ورد
وإيدٍ تقولك "هاي" بتقول "بيباي"

حطيت لك حدٍ ولا فاد بك حد
إلين مازادت مع الوقت بلواي

ماني ضعيف النفس يازاهي الخد
لاصرت لهمومي وللبعد شراي