حلمي وعناي_
قفيت مدري وش بلاي
صحيت اشكي من هواي
ياليت نومي طال ولاصحيت
ياليت حبي طال ولا انتهيت
ولادريت .. اني انا .. وحلم الهنا ..
في منتهاي ..
* * *
بكيت من همي وعناي
شقيت في لقيا هناي
بقيت اشوف الناس حولي ولالقيت
جمعت كل أحساس عندي ولادفيت
ولاقويت بدربنا .. اجذب هنى ..
وامحي شقاي ..
* * *
محيت حلمي ياغلاي
رميت أفراحي وراي
ولانويت البعد لكن ماقويت
صحيت في عالم بنا للحزن بيت
ساسه انا .. طوبه انا ..
وسقفه يجافي مبتغاي..
* * *
نخيت ... من يسمع نداي
نسيت معزوفة فضاي
نسيت حبي ..يالاناني ولك بكيت
بكيت واقعنا .. ولكن ماشتكيت
بعلمي انا .. ان العنا ..
اسمه عناي ..