قصيدة [ براءة ,, طفل ] ..!!

براءة طفل شدتني / وحدتني على الأمثال
تقول الشعر ماهو يعسر الشاعر عن اقواله

إذا شاف الفرح بعيوننا / / يستوجب الأقول
يجر الصوت / متلهف بفرحتنا / بمواله .

هنا طفلن يحاكيني عن الفرحة بوصف الحال
ضحك لك يازمن مرتاح ماهو شاغلن باله

على باب الفرح واقف متى تفتح لنا الآمال .!!
نبي شيٍ يسلي القلب ويعبر عن احواله

هنا طفلن يتمتم يشتكي في منطقه لاقال ..!
يصير السين شين وقلبته للحرف منواله

حظيظن يالخطا بلسان طفلن مضحك الأفعال ..!
صغيرن فيه معنى الصدق والأحقاد ماشاله

هنا طفلن تعطش للفرح ضامي ولا له نال ../
الى ان جاه مايسقيه فرحه والضما زاله

مثل أرضن شكت فقر الربيع ووضعها بمحال ...!!
تبي سحبن يصيب الأرض لا من جات هماله

هنا طفلن وقف ساكت شكا صمته مثل تمثال ....!!
يبي منهو يغير صحبته بالوقت بضلاله

لقى احلامه على باب السعاده طالبه مدخال ....!!
يساورها حنين الشوق للفرحه بآماله

هنا طفلن حكا لمه عن الفرحه بو جه اطفال ...!!
ييمه ماعرفت الهم لو الناس حماله

يَيمًه لو حياة كبارنا مضمونها غربال .../
يَيمًه ماشكينا جرحهم بالكون واهواله

هنا طفلن حكا عنه هذاك الدمع لامن سال
انا طايح ورغباتك بوقف الدمع عن حاله

واذا فينا حزينن لا شكا صبره علامه طال
ترا لهفه على الفرحه الى الخفاق مدخاله

هنا طفلن طلب يبكي الى الفاهم يبيله مال ...!
ترا عاده تعبر عن فرح لامن كسب ماله

ترا الفرحه على اشفاه الطفل فيها يطيب الفال ....!!
صغيرن لا كبر يحكي سعاداته لأجياله