رحلت وراضي ٍ عنّك , رحلت وخاطري مسرور
رحلت ومآ تركت إلا بقآيآ طيب يسقيني
من الدعوآت والذكرى ويبعدني من المحظور
ويمنعني من العذال ويحميني ويكفيني
ورجعت وصدمتي منّك , رجعت آسئلك يآ دتّور
رجعت آسئلك عن جرحي إذآ ودك تدآويني
وشفتك مآ تصورتك جمعتي بالحضور حضور
وش المغزى من الجمعه ! على جرحي تزيديني
عرفت إن المكآن اللي جمعنآ إنقلب مهجور
بعد مآ غبت مآ ظني لفيتي وآنتي تدعيني
تركتي كل مآ يدعو لذكري وزلزل المعمور
من اللي يبني بيوته على طيّآت من طيني ؟
عسى الله يعفي المخطي ويستر دمه المهدور
وعسآه يطلع المخفي ويظهر لي عدويني
وعسى الله يرحم جروحي خفآيآهآ من المجهور
وعسى الله يهدي الظالم على ظلمه ويهديني
آنآ مآبي دعآ صآدق كفآيه دعوه المقهور
ولآ حتى آبي المخطي يجيني آو يرآضيني
آنآ مقدر أقول اللي قريته من بقآيآ سطور
لآني طبعي آتغآضى عن المكتوب في حيني
آلآ يا نآكره طيبي , ( فضحتي فيني المستور )
حرآم اللي تسوينه ترى مليت خليني
ظلمتيني , وسآمحتك, عطيتيني ( وفآ ) منثور
هجيتيني ,وحللتك , وصرتي من معنيني
جعلتيني وحيد ٍ بين همي ضآيع ٍ محصور
وكن الطيب يتسآئل وينشد : وينك ؟ وويني ؟
خفيتي نيتّك عني وربي جآعله مظهور
وبيّن لي حقآئق مآ عرفنآهآ من سنيني
بعد ما رحت انا ادعيلك عسى يفرش ثراك زهور
لأني صآفي النيّه وآعرف ألزم قوآينيني
ولأني فآهمك والله ( غشيم ) وبالهوى مسحور
ولأني من سنن طبعي آحب الغير في ديني
انا كنت احسبك مثلي , تخليني ( بدعا) مذكور
ولكن للآسف والله كبيره وطحتي من عيني
انا بسئلك واتمنى إجابه واضحه كالنور
من اللي علمك تقسين ؟ وغّير نظرتك فيني !
آنا وش ذنبي اتحمل كلام الشاهدين بزور
آنآ وش ذنبي آتغآضى وآخلي النآس تهجيني
مدآم إن الذنوب كثآر - ذنبك - مآهو بمغفور
عسى الله ينزل الآمطآر في سآحه ميآديني
تقولين الغلا لجلك ؟ دفنتي لجلي المحفور
وترى مآ كل من يغلي ( صويلح ) صآر يغليني
عجب واللي تسوينه يخلي هالعقل مبهور
آجل وش فيك يآ بنيه ؟ كأنك مآ عرفتيني !
نسيتي سآلفه زوجك ؟, نسيتي سآلفه ثمّور ؟
نسيتي كم تحملتك ؟ يآ ليتك بس تنسيني
تعبت آعدي الزله , تعبت آصلح المكسور
تعبت آتبع مقفيني , تعبت آجهل معآديني
ترى ماني انا الفاعل , ولا حتى إسم مجرور
تجريني على كيفك , على كيفك تجريني ؟
خلاص اقسم برب الكون روحي مآني بمجبور
كشفتك من بعد صدمه وشفتك تستغليني
رمآني هالزمن عندك وخلآني بدون شعور
نسيت احساسي بقربك وآنآ آشوفك تسليني
تحسبيني صغير السن بزر ٍ ما يعرف الدور
تحسبيني جهلت الناس , ولا وش تحسبيني ؟
ترى مآ فيه شيّ آكبر من اللي صار بالمقدور
ولا حتى توقعت المقّدر عآسر الليني
بسآمح زلتك وآنسى , ولا يؤجر عمل مأجور
بسآمح بس لجل آمك , تسآمح فعلتك فيني
على فعلتك شوفيني , تفجر فيني المفجور
من آيآم الندم ( حسره ) على مآ فآت تعنيني
على مآ صآر ( مشكوره ) وربي ينصر المنصور
وربي يعرف الخآفي من القآدم وينجيني
وعن ريمآ آنآ مقدر آسآمح عن جسم مقبور
لآن الموت له حقه وآنآ لي حق بيديني
ترى مآ يقهر الغآفل سوى طعنه خلآف ظهور
وترى مآ يطعن الغآفل سوى جآهل ومسكيني
وترى الآيآم غلآبة - تبآريك الوفآ - بالجور
وترى الآحلآم كذآبة - تصبحني - تمسيني
كلآمي يكتم العبره , وصوتي يحرق الحنجور
وقلبي مل من صبره , خلآص اليوم مآ آبيني
رجعت وصدمتي منّك بعد غيبه ( ثمآن ) شهور
وش اللي صآر بغيآبي ؟ - صديقة - جت تجآزيني !!
ثلآث آشياء بالدنيا - نويت آهديهم الأقنور
هم العذآل , والمآضي , وكل آنسآن نآسيني
آلآ يآ كل عذآلي - ترى ذكري - كمآ البآخوور
إذآ جآته من النيرآن طيبي فاح يقويني
وإذآ كآنت على الشهره ! ترى من غيركم مشهور
جمع ربي قلوب الطيب مع طيبي تلآقيني
وآلآ يآ هالزمن شكرآ ً على مآ صآر لي مشكور
قسيت , و هآنت , وآصلآ ً حلآتك يوم تقسيني
وآنآ مآ آلومك بفعلك , فعلت ودآئما ً معذور
نصيبي والرضا وآرد, وبرضى لين ترضيني
كتبت الشعر بحروفي وصغت بقآفي المحكور
لآن حروفي سيوفي ليا شفتك خدعتيني
نوينآ في نهآيتنآ - نحقق - رغبة الجمهور
يبوني دوم مآ آشوفك - وجعلك - مآ تشوفيني
فمآن الله - آنآ رآيح - على كيفي ومآلك شور
وإذآ شفتيني بصدفه , طلبتك لآ تنآديني
الأحد ديسمبر 26, 2010 5:00 am