قصيدة إرحل..

إرحل مع الايام وأقسمت ما طريك
إرحل نهائي لا تجيني طيوفك
إرحل رحيّل ٍ تختفي به مواريك
سافر وموعد رحلتك لايطوفك
خلّ الرحيّل المّر يبراء خطاويك
ولا شع نورك ينصدم في كسوفك
وأصبح وأشوف أن الامل خايب ٍ فيك
وأمسح عناوينك وباقي حروفك
عذبتني وأدمح خطاياك وأرجيك
عسئ العذاب اللي صطابي يلوفك
مليت من دنياي ربّي يجازيك
ومليت من غدرك وكثرت أحلوفك
هقيت بتقدّر خفوق ٍ مخاويك
وكنت احسب أنك نادر ٍ في أوصوفك
قلب ٍ صفى لك بالمحبة يناجيك
سامح لغلطاتك وقدّر ظروفك
قبل الجفا يبعد عيون ٍ أتراعيك
واليوم ماتنفعك كثرت أحسوفك
خلاص قررت أبتعد عنك ما بيك
لني عرفت اللي تسبب بخوفك
أبعد طريقك لاتقرب حراويك
وياكثر حسناتك وطيب أمعروفك
أرحل وتذكَر ما مضئ يوم أداريك
أخاف تحرمني ليالي شوفك
إرحل مع الايام وأقسمت ما طريك
إرحل نهائي لا تجيني طيوفك