الشاعر محمد الحدري

قصيدة نهاية كلها أحزان

صحيح ان الكلام يكوي ..
وكيه بالحشا يطوي ..
كتابٍ صفحته تروي
نهاية كلها أحزان

أسمها في عناويني
و أجمل ما رأت عيني..
و حلاها دايم يزيني ..

ولكن هالليالي تدور ..
غبينه بزيفها .. والجور
اداري خاطر المكسور
اجامل وداخلي بركان

دعاني صوتك المبحوح ..
وعرفت ان القلب مجروح
مرارٍ و الامل مذبوح ..
وصرت انا للحزن عنوان

سألتك يا ديمه .. أمطاري
سألتك يانسمة .. أزهاري
سألتك يا ملهمة .. أشعاري

شرحت لك وما تعذرتي ..
وبظلم الغير قررتي ..
فراقي عنك واخترتي ..

انا جرحٍ .. يزيد البعُد التهابه
انا ضيمٍ طواه الوقت بكتابه
بكيت على الاطلال واعتابه

ابي دفى انسان ..
لحظة فرح واحزان ..
ولو ضاقت بي الاكوان ..
أشوفه بالوزا جمبي

صحيح ان الكلام يكوي ..
وكيه بالحشا يطوي ..
كتابٍ صفحته تروي
نهاية كلها أحزان

» الشاعر رجا نازل
» الشاعر نواف بن ناصر
» الشاعر رجا نازل
» الشاعر غازي العفتان
» الشاعر غازي العفتان