الشاعر عبدالله الحضبي السبيعي

قصيدة الفتنه

مانستمع هرجة ضعيفين النفوس
أهل الحسَد وأهل العقول الضايعه
والفتنه اللي سببت بغض وهجوس
ماللفتن غير الرجال الخايعه
كم واحدن مافاد علمه والدروس
ماغيّرت دنياه من طبايعه
هذاك يحسب من حسابات الهيوس
نفسه على فعل المكاره طايعه
الطيب يرفع صاحبه ويعز روس
والجود مثل العوده اللي ذايعه
ماكل من يزرع كسب زين الغروس
ولا كل من يرمي كشف وقايعه
أحدن كسب ربح وقرامات وفلوس
وأحدن جنى خسران من بضايعه
واللي كسب في الطيب باقات وكؤوس
مهوب مثل اللي حياته صايعه
راع النمامه مثل عودن فيه سوس
وراع الجزاله تابع شرايعه

» الشاعر رجا نازل
» الشاعر رجا نازل
» الشاعر نواف بن ناصر
» الشاعر محمد الحدري
» الشاعر غازي العفتان