الشاعر سعود المالكي - خافي الجرح

قصيدة ياويله مـن الله زوّد الحـال غربالـه

الاياوجودي كل ماحل لي ذكراه
دموعي على الخدين ياحمود هماله
وليفً شبيه الظبي ياخوي في ممشاه
ياويله من الله زوّد الحال غرباله
تولع بها قلبي ونا مستحيل انساه
حداني عليه الوقت والنفس مياله
ومن كثر شوقي له ابي شوفته ورضاه
حسيبي على من دونها تمنع اوصاله
عشقته وافكر كيف ابصبر على فرقاه
وهو في فوادي ساكن القلب بالحاله
ذكرت الزمان اللي مضى مهتني وياه
ولا بيننا حاسد ولا ناس عذاله
والاياوجودي كل ماحلّ لي طرياه
تجدد جروح القلب واتغير احواله