الشاعر اورنس الهذال

قصيدة ريـــق الشـــهد ..!

حين أحاكي الهدوووء !!

كثيرة أنتي في عيوني وأنا أغليك ..!
............. لاتسأليني عن سوالف غلاتك !!

عطشان منك !! .. وترتوي حالتي فيك !
............. يافلسفة شاعر .. تزيد بحلاتك ..!

كم قلّت لك .. عن كل حاسد أنا أحميك !
............. وكم قلت لي .. منهو يسوي سواتك ؟!

اجيك واخذ منك .. وبشوقي اعطيك !
............. وامشي وانا محقق .. عظيم أمنياتك .. !

قمّة سواتي .. في عيوني أخبيك !
............. عن لايشوف الناس روعة سواتك !!

اغار من لبسك ! .. وضحكة تغليّك !
............. واغار من قاع ٍ تحسّب خطاتك..!

وأغار رفقاتك .. وجلسة محبيك ..!
............. واغار تقليد العمى من ..خواتك ..!

تذكر .. هذاك اليوم يوم أمسك إيديك ؟!
............. يوم أرتبك ريق الشهد في لهاتك ؟!

تمر لحظاتك وأكرر.. معانيك ..!
............. من طيبها .. ماشفت فعل لرداتك !

ملكتني .. وأمسيت أغنّي لياليك
............. ليل الشتا يدّفِيني (ابسط )وصاتك ..!

هذا كلامي وأنكتب في معاليك !
............. واللي خلق أجمل سوالف غلاتك !