قصيدة عِقد يَاقوت ..

وش غيرك؟ ولا مَعَ الوقت وش جَاك..؟
اواااه لو يَدري عَن ال اااه موطنك..

تسلا وقلبي عنك ماكان يسلاك..
ومَسَاكني تسأل عَن اغلى مساكنك..

والشوق لك جَاني من الشوق يبغاك..
وجيتك من الاشواق مِن شوق مدمنك..

اكلك واشرب منك وامرك وانهاك..
وتنام في عيني والانفاس تحضنك..

وفيت لك لانك على القلب ما اغلاك..
وسكَنت في عيني وفي عينك اسكنك..

اعاتبك وارضيك واجفاك وادراك..
فتنتني في حبك.. الله يفتنك..

ازعَل عليك..ومَا تراضي مَن ارضاك..
ولا تهمك ضيقتي .. والخطا منك..

كنت احسب اني غير في عينك وماك..
واثرك مَع غيري غلاك ومكامنك..

ابكيتني لو الهوى ما قد ابكاك..
ادميت عيني يالغضي وكلها منك..

إسأل بهيم الليل كيف اتحراك..؟
وانشد عن اشواقي .. تجاوب اماكنك..

ما اقول ياوافي.. ولا اقول ما اوفاك..
اقول لو تطعن..! ترى اموت ما اطعنك..

وإن كَان غيري عَن غلا قلبي اغناك..
يغنيني الله عن غلا قلبك.. وعنك